fuers songbook:

Herrn Pastor sien Kauh

Kennt ji all dat nige Leed, nige Leed, nige Leed, Wat dat ganze Dörp all weet, von Herrn Pastor sien Kauh?

Refrain: Sing man tau, sing man tau, von Herrn Pastor sien Kauh, jau, jau. Sing man tau, sing man tau, von Herrn Pastor sien Kauh!

Ostern weer se dick un drall, dick un drall, dick un drall, Pingsten leeg se dod in'n Stall, Herrn Pastor sien Kauh! Refrain
As se weer in Stücke sneeden, Stücke sneeden, Stücke sneeden, Het dat ganze Dörp wat kreegen, von Herrn Pastor sien Kauh! Refrain
Jochen Steif, de Treinsuldat, de Treinsuldat, de Treinsuldat, Kreeg een Pott voll Mulsalat, von Herrn Pastor sien Kauh! Refrain
Un de Köster Dümelang, Dümelang, Dümelang, Kreeg den Stert as Klockenstrang, von Herrn Pastor sien Kauh! Refrain
Un de ole Inglisch-Miss, Inglisch-Miss, Inglisch-Miss, Kreeg een nieget Teihngebiss, von Herrn Pastor sien Kauh! Refrain
Un de ole Stadtkapell, Stadtkapell, Stadtkapell, Kreeg en nieget Trummelfell, von Herrn Pastor sien Kauh! Refrain
Un uns niege Füerwehr, Füerwehr, Füerwehr, Kreeg en Pott voll Wagensmeer, von Herrn Pastor sien Kauh! Refrain
Un de Schriever Negenkloog, Negenkloog, Negenkloog, kreeg en nieget Anschrievbook, vun Herrn Pastor sien Kauh! Refrain
Vun den Buern sien dree Göörn, sien dree Göörn, sien dree Göörn, kreeg jedereen en vun de Höörn, vun Herrn Pastor sien Kauh! Refrain
Un de ole Smittgesell, Smittgesell, Smittgesell, kreeg en nieget Schörtenfell, vun Herrn Pastor sien Kauh! Refrain
Fru Pastor ehr Muschikatt, Muschikatt, Muschikatt, harr woll verteihn Dag noch wat, vun Herrn Pastor sien Kauh! Refrain
Un de Hoffhund Watermann, Watermann, Watermann, mook sick an de Knaken ran, vun Herrn Pastor sien Kauh! Refrain
de Optiker Hans Henning Ploog, Henning Ploog, Henning Ploog, kreeg för sien Brilln ´n Lins vun´t Oog, vun Herrn Pastor sien Kauh! Refrain
Dat rechte Oog, ik hebb´t vergeten, hebb´t vergeten,hebb´t vergeten, dat hebbt , ik gleuw, de Swien opfreten, vun Herrn Pastor sien Kauh! Refrain
De malle Moler Seidelbast, Seidelbast, Seidelbast, kreeg ´n niegen Molerquast, vun Herrn Pastor sien Kauh! Refrain
De Schoster keem un hool de Huut, hool de Huut, hool de Huut, mook sick Poor niege Stebels ut, vun Herrn Pastor sien Kauh! Refrain
Trina pett mit ehre Hacken, ehre Hacken, ehre Hacken, in een groten Dunnerkacken, vun Herrn Pastor sien Kauh! Refrain
Sleswig-Holsteen, meerumslungen, meerumslungen, meerumslungen, hannelt nu mit Ossentungen, vun Herrn Pastor sien Kauh! Refrain
De Mekelborger leit nich slapen, leit nich slapen, leit nich slapen, se sett den Kopp in´t Lanneswappen; vun Herrn Pastor sien Kauh! Refrain
Un de ole Neihkatrin, Neihkatrin, Neihkatrin, kreeg den Kopp as Neihmaschin vun Herrn Pastor sien Kauh! Refrain
Doch dat Leed is man ers half, man ers half, man ers half, in´n Stall dor steiht jo noch een Kalf, vun Herrn Pastor sien Kauh! Refrain